koothattukulam4u.com

കുളമ്പാടത്ത് കുട്ടികളുടെ കൊയ്ത്തുത്സവ

Posted on : 30/01/2016

കൂത്താട്ടുകുളം: കുളമ്പാടം പാടത്ത് കുട്ടികൾക്ക് ഇക്കുറിയും നൂറുമേനി വിളവ്. കൂത്താട്ടുകുളം ഗവ.യു.പി സ്കൂളിലെ കാർഷിക ക്ലബ് അംഗങ്ങളുടെ നെൽകൃഷിയാണ് കഴിഞ്ഞ ദിവസം നൂറുമേനി വിളവെടുത്തത്.നെൽകൃഷിയെ അടുത്തറിയാനും അന്യമായി കൊണ്ടിരിക്കുന്ന കാർഷിക സംസ്കാരത്തെ തിരികെ കൊണ്ടുവരാനുമായിട്ടാണ്, കുട്ടികളുടെ നേതൃത്വത്തിൽ കുളംമ്പാടം പാടത്തെ ഒന്നരപറ നിലം പാട്ടത്തിനെടുത്ത് നെൽകൃഷി നടത്തിയത്. ഇക്കൊല്ലം ഐ.ആർ അഞ്ച് നെല്ല് വിത്ത്പാകിപ്പറിച്ച് നടുകയായിരുന്നു. കൃഷിയുടെ വിവിധ ഘട്ടങ്ങളിൽ പി.റ്റി.എ വൈസ് പ്രസിഡന്റ് കെ.എം ജയന്റെ നേതൃത്വത്തിൽ രക്ഷിതാക്കളും സഹായത്തിനെത്തി. യന്ത്രസഹായത്തോടെയാണ് കൊയ്ത്ത് നടത്തിയത്.ഒന്നാം ക്ലാസുമുതലുള്ള കുട്ടികൾ കൊയ്ത്ത് കാണനെത്തിയിരുന്നു.ഹെഡ്മാസ്റ്റർ കെ.വി ബാലചന്ദ്രൻ ,കൺവീനർ പി ജി സുലോചന, റ്റി.വി മായ, എ.വി.മനോജ് എന്നിവർ നേതൃത്വം നൽകി.

koothattukulam4u.com