koothattukulam4u.com

ബാലശാസത്ര കോൺഗ്രസ് കൂത്താട്ടുകുളം ഗവ.യു.പി ജേതാക്കൾ

Posted on : 11/02/2016

കൂത്താട്ടുകുളം: ബി.ആർ .സിയുടെ നേതൃത്വത്തിൽ നടത്തിയ വിദ്യാഭ്യാസ ഉപജില്ലാ ബാലശാസ്ത്രകോൺഗ്രസിൽ കൂത്താട്ടുകുളം യു.പി.സ്കൂൾ ജേതാക്കളായി. മുത്തോലപുരം സെന്റ് പോൾസ് എച്ച്.എസിനാണ് രണ്ടാംസ്ഥാനം .ഊർജ നിർമ്മാണവും സംരക്ഷയും, മണ്ണ് സംരക്ഷണം, അന്താരാഷ്ട്ര പ്രകാശവർഷം ,ജൈവ ഭക്ഷണ ശീലങ്ങൾ, തുടങ്ങിയ വിവിധ വിഷയങ്ങളിലെ കണ്ടെത്തലുകൾ, സെമിനാർ അവതരണം, നിശ്ചല പ്രവർത്തന മാതൃകകൾ തുടങ്ങിയവയാണ് ബാല ശാസ്ത്ര കോൺഗ്രസിൽ അവതരിപ്പിക്കപ്പെട്ടത്.ഒരു സ്കൂളിൽ നിന്നും 5 പേരടങ്ങുന്ന വിദ്യാർത്ഥികളുടെ ഗ്രൂപ്പാണ് അവതരണം നടത്തിയത്. ഉപജില്ലയിലെ 17 സ്കൂളുകളിൽ നിന്നായി 85 കുട്ടികൾ മത്സരത്തിൽ പങ്കെടുത്തു.കൂത്താട്ടുകുളം നഗരസഭ വിദ്യാഭ്യാസ സ്ഥിരം സമിതി അധ്യക്ഷൻ സി.എൻ പ്രഭകുമാർ മൽസര വിജയികൾക്ക് സമ്മാനങ്ങൾ വിതരണം ചെയ്തു. ബി.പി.ഒ, ഇ.എ പൗലോസ്, കൂത്താട്ടുകുളം യു പി സ്കൂൾ ഹെഡ്മാസ്റ്റർ കെ.വി ബാലചന്ദ്രൻ, സജി .എൻ .ആന്റണി, ജമീല ജെ.എ, സിജി.ഇ.കെ, ജോബി പൗലോസ്, നിധി ജോസ് എന്നിവർ സംസാരിച്ചു.

koothattukulam4u.com