koothattukulam4u.com

കൂത്തുപറമ്പ് സ്മാരകമായി കാക്കൂരിൽ കാത്തിരിപ്പു കേന്ദ്രം

Posted on : 17/10/2016

കൂത്താട്ടുകുളം : കൂത്തുപറമ്പ് രക്തസാക്ഷി സ്മാരകമായി കാക്കൂരിൽ ബസ് കാത്തിരിപ്പു കേന്ദ്രം.കാൽ ലക്ഷം രൂപ മുടക്കി ഡിവൈഎഫ്ഐ കാക്കൂർ വെസ്റ്റ് യൂണിറ്റാണ് യാത്രക്കാരുടെ ഏറെ നാളത്തെ ആവശ്യം നിറവേറ്റിയത്. കാക്കൂർ അമ്പലപ്പടിയിൽ കൂത്താട്ടുകുളം ഭാഗത്തേക്ക് പോകുന്ന യാത്രക്കാർക്ക് ഉപകാരമാകുന്ന തരത്തിലാണ് നിർമ്മാണം. ബ്ലോക്ക് സെക്രട്ടറി അജേഷ് മനോഹർ കാത്തിരിപ്പു കേന്ദ്രം നാടിനു സമർപ്പിച്ചു. സി പി ഐ എം ലോക്കൽ സെക്രട്ടറി അനിൽ ചെറിയാൻ, ബ്രാഞ്ച് സെക്രട്ടറിമാരായ വർഗീസ് മാണി, ശശി കാക്കൂർ, ഡിവൈഎഫ്ഐ ഭാരവാഹികളായ എൽദോ ജോയി, മനു, അനി മുകളേൽ, ഏബിൾ ജോയി, പ്രവീൺ കാക്കൂർ തുടങ്ങിയവർ സംസാരിച്ചു.

koothattukulam4u.com