koothattukulam4u.com

കെ എസ് ടി പി റോഡ് നിർമ്മാണം, കൂത്താട്ടുകുളത്തെ ഹർത്താൽ വ്യാപാരി സമൂഹം പരാജയപ്പെടുത്തി

Posted on : 27/10/2016

കൂത്താട്ടുകുളം : വ്യാപാരി വ്യവസായി ഏകോപന സമിതി ബുധനാഴ്ച വൈകിട്ട് 4 മുതൽ 6 വരെ നടത്തിയ അപ്രഖ്യാപിത ഹർത്താൽ കടകൾ തുറന്ന് പരാജയപ്പെടുത്തിയ വ്യാപാരി സമൂഹത്തിന് വ്യാപാരി വ്യവസായി സമതി യൂണിറ്റ് കമ്മറ്റി അഭിവാദ്യമർപ്പിച്ചു. ഗവ ആശുപത്രി ഭാഗം മുതൽ ചന്തത്തോടു വരെയുള്ള ഭാഗത്തെ ഓട നിർമ്മാണമാണ് ഇപ്പോഴത്തെ പരാതികൾക്ക് അടിസ്ഥാനം. ഫാർമേഴ്സ് സഹകരണ ബാങ്കിന്റെ ഭാഗത്ത് നാല് അടിയാണ് റോഡിന് ഉയരം കൂടിയത്.നിരവധി കടകൾ റോഡിന് അടിയിലായി.റോഡ് നിർമ്മാണം പുരോഗമിക്കുന്നതിനിടെ വ്യാപാരികൾക്ക് ഉണ്ടാകുന്ന ബുദ്ധിമുട്ടുകൾ വ്യാപാരി വ്യവസായി സമതി നേതാക്കൾ സി പി ഐ എം നേതൃത്വത്തെ ധരിപ്പിച്ചു.കഴിഞ്ഞ ദിവസം നിവേദനം നേരിട്ടു നൽകി വകുപ്പ് മന്ത്രിയായും ബന്ധപ്പെട്ട ഉദ്യോഗസ്ഥരുമായും ചർച്ച നടത്തുകയും ചെയ്തു.തുടർന്ന് ടൗണിലെ തർക്ക പ്രദേശത്തെ നിർമ്മാണം താൽക്കാലികമായി നിർത്തി വെയ്ക്കുകയും ചെയ്തു.പരാതികളും,കൈയേറ്റവും സംബന്ധിച്ച് ആവശ്യമായ പരിശോധനക്കായി കെ എസ് ടി പി സംസ്ഥാന പ്രൊജക്ട് ഡയറക്ടർ സ്ഥലം സന്ദർശിക്കാം എന്ന് ഉറപ്പും നൽകി.ഇത് മനസിലാക്കിയാണ് ബുധനാഴ്ച പെട്ടെന്ന് ഹർത്താൽ നടത്തി വ്യാപാരി സമുഹത്തെ കൂടെ നിർത്താൻ ഏകോപന സമതി ശ്രമം. സമതി പ്രവർത്തകർ കടകൾ കയറി നിജസ്ഥിതി വ്യാപാരി സമൂഹത്തെ ബോധ്യപ്പെടുത്തി.തുടർന്നാണ് സംഘടനാ വ്യത്യാസമില്ലാതെ കച്ചവടക്കാർ ഹർത്താലിൽ നിന്നും വിട്ടുനിന്നത്. അലൈൻമെന്റ് പൂർത്തികരിച്ച് നിർമ്മാണ പ്രവർത്തനം ആരംഭിച്ച് മാസങ്ങൾ പിന്നിടുമ്പോഴും വ്യാപാരികൾ നേരിടുന്ന പ്രശ്നങ്ങൾ മനസ്സിലാക്കുവാനോ പരിഹരിക്കാൻ വേണ്ട ശ്രമങ്ങൾ നടത്താനോ ഏകോപന സമതി നേതാക്കൾ ഒരു ശ്രമവും നടത്തിയില്ല. പ്രശ്നങ്ങൾ അനുഭവിക്കുന്നത് ഏറെയും സാധാരണക്കാരായ കച്ചവടക്കാരാണ്.വൻകിട കച്ചവടക്കാർ മാത്രം ഭാരവാഹികളായ ഏകോപന സമതി പ്രശ്നങ്ങളിൽ നിന്നും ഒഴിഞ്ഞ് നിന്ന് ഏതാനും കടകൾ സംരക്ഷിക്കാനുള്ള ശ്രമമാണ് നടത്തിയത്. ഇത് വ്യാപാരിസമൂഹം തിരിച്ചറിഞ്ഞെന്നും ഭാരവാഹികളായ സണ്ണി കുര്യാക്കോസ്, പി പി ജോണി,വി എൻ രാജപ്പൻ, ഡി രാജേഷ്, ദീപേഷ് കൊള്ളിമുക്കിൽ ജോസ് വുഡ് ആർട്സ് എന്നിവർ പറഞ്ഞു.

koothattukulam4u.com