koothattukulam4u.com

പൈറ്റക്കുളത്ത് കക്കൂസ് മാലിന്യം തള്ളി

Posted on : 27/10/2016

കൂത്താട്ടുകുളം : നടക്കാവ് റോഡിൽ പൈറ്റക്കുളത്ത് കക്കൂസ് മാലിന്യം തള്ളി.ബസ് സ്റ്റോപ്പിനും പൈറ്റ ക്കുളം മാർബിൾസിനും ഇടയിലുള്ള ഭാഗത്താണ് മാലിന്യം തള്ളിയത്.വ്യാഴാഴ്ച രാവിലെയാണ് സംഭവം ശ്രദ്ധയിൽ പെട്ടത്.നാട്ടുകാർ നഗരസഭയിലും പോലീസിലും, ആരോഗ്യ വകുപ്പിലും പരാതി നൽകി. ആരോഗ്യ വകുപ്പ് നഗരസഭ അധികൃതർ സ്ഥലത്തെത്തി ക്ലോറിനേഷൻ നടത്തി.മഴ പെയ്താൽ മാലിന്യം പാടത്തേക്ക് ഒലിച്ചിറങ്ങാൻ ഇടയുണ്ട്. വടകര കുടിവെള്ളം പദ്ധതിയിലേക്കും മാലിന്യം എത്തും. സംഭവത്തിൽ കുറ്റക്കാരെ കണ്ടെത്തണമെന്നാണ് നാട്ടുകാരുടെ ആവശ്യം. രണ്ട് ദിവസം മുമ്പ് കരിമ്പന ഭാഗത്തും കക്കൂസ് മാലിന്യം തള്ളിയിരുന്നു. അഞ്ചൽപ്പെട്ടി, പാമ്പാക്കുട, പിറവം മേഖലയിലും കഴിഞ്ഞ രണ്ട് മാസത്തിനിടെ മാലിന്യം തള്ളിയിരുന്നു. ടൗണിൽ ക്യാമറ നിരീക്ഷണ സംവിധാനം ഒരുങ്ങുന്നതോടെ ഇത്തരം സംഭവത്തിലെ പ്രതികളെ പിടികൂടാനാകുമെന്ന് ക്ഷേമകാര്യ സമതി അധ്യക്ഷൻ സണ്ണി കുര്യാക്കോസ് പറഞ്ഞു.

koothattukulam4u.com